FONETIK ENGGAU FONOLOGI JAKU IBAN

DEFINISYEN FONETIK ENGGAU FONOLOGI

Definisyen Fonetik

a    a) Fonetik tu datai ari jaku Yunani (phone) tauka “munyi nyawa” ti dipansik bepelasarka munyi fizikal nyawa mensia. Iya bekait enggau tukuh fizikal munyi (fon), serta ngasilka fisiologi, auditori enggau perspesyen neurofizikal. (Wikipedia, Ensiklopedia Bebas)

 

       b) Fonetik iya nya siti bidang penemu linguistik ti mansik senentang munyi jaku. Iya siti penemu ti paling beguna ba tikas pemansik linguistik sebedau fonologi, morfologi, sintaksis enggau semantik.

b    C) Fonetik tu mansik senentang biuh jaku ti diasilka, ukai reti ti dikenataika orang ti mansutka jaku nya. (Chemaline enggau Padang, 2011)

Definisyen Fonologi

   a)   Indirawati Zahid enggau Mardian Shah Omar (2006) ngumbai fonologi tu siti bidang linguistik mansik pasal munyi jaku ti diasilka mensia.

   b)  Abdullah Hassan (2006) madahka fonologi siti bidang linguistik ti mansik munyi jaku ti diguna mensia lebuh sida bejaku.

  

    c) Chemaline enggau padang (2011), Fonologi mansik sistem  munyi sesebengkah jaku mensia negika tukuh asal sistem jaku nya.Fonologi mega mansik senentang pola entak sebut tauka intonasyen.